Cuntegn dal conclus federal
L’urden da finanzas da la Confederaziun sto vegnir prolungà regularmain. L’ultima giada han il pievel ed ils chantuns votà l’onn 2004 per ina prolungaziun dal dretg d’incassar la taglia sin la plivalur e la taglia federala directa. Quest urden da finanzas è entrà en vigur l’onn 2007 e scada la fin da l’onn 2020. Cun il nov urden da finanzas 2021 duai il dretg da la Confederaziun d’incassar la taglia federala directa e la taglia sin la plivalur vegnir prolungà per 15 onns. Sch’il project vegn acceptà, pudess la Confederaziun pia incassar vinavant las duas taglias fin la fin da l’onn 2035.
Arguments GEA al conclus federal
Finanziaziun da las incumbensas federalas | La taglia federala directa e la taglia sin la plivalur apportan stgars dus terzs da las entradas da la Confederaziun. Ellas gidan a finanziar la furmaziun, la politica sociala, il traffic e la defensiun naziunala. |
Nagin augment da taglia | Il nov urden da finanzas 2021 na chaschuna betg in augment da taglia. Plitost garantescha el che la politica da finanzas actuala possia cuntinuar. |
Parlament e pievel decidan vinavant | La nova limitaziun da las duas taglias enfin l'onn 2035 garantescha ch’il parlament vegn a discutar er en l’avegnir davart la concepziun da l’urden da finanzas. Er il pievel ed ils chantuns vegnan avant il 2035 ad avair l’occasiun da s’exprimer puspè en chaussa. |
Arguments NA al conclus federal
La taglia federala directa fa donn a l‘economia | Studis conferman che l’imposiziun da taglia sin la lavur han in effect negativ sin il temp da lavur, la dischoccupaziun e la lavur naira. |
Taglia birocratica e politicamain privlusa | Trais differentas tariffas da la taglia sin la plivalur ed nundumbraivlas excepziuns fan da la taglia sin la plivalur in monster birocrati. |
Dapli spazi d’agir per ils chantuns e las vischnancas | Federalissem e la proximitad al burgais èn impurtantas. Senza gronda influenza da la Confederaziun avessan ils chantuns e la vischnancas dapli spazi d’agir. Quai fiss era d’avantatg per la populaziun. |
Dapli
Entradas da la Confederaziun
La taglia federala directa e la taglia sin la plivalur importan ensemen stgars dus terzs da tut las entradas da la Confedera ziun. L’onn 2016 è quai stà in import da circa 43,5 milliardas francs. Las duas taglias èn las funtaunas d’entrada principalas da la Confederaziun.
RR actualitad