Siglir tar il cuntegn
cuntegn

Votaziuns Survista dals resultats communals

Ils resultats da las votaziuns, uschè spert ch'els èn enconuschents.

  • S-chanf
    Legenda: S-chanf RTR

    S-chanf

    Il suveran ha approvà il concept d'electricitad cun 184 encunter 25 vuschs. Uss pon vegnir fatgas investiziuns da CHF 6 milliuns ils onns 2018 fin 2024. Era la revisiun parziala da la constituziun communala è vegnida approvada cun 168 encunter 32 vuschs.

  • Val Müstair
    Legenda: Val Müstair RTR

    Val Müstair approva lescha da polizia

    Val Müstair approva nova lescha da polizia da la vischnanca cun 466 encunter 113 vuschs. Quella furma la basa legala per far controllas e per dar chastis sin il territori da la vischnanca Val Müstair.

  • Roveredo
    Legenda: Roveredo RTR

    Roveredo regla ils fatgs da pumpiers

    Roveredo accepta ils statuts dal corp da pumpiers da la Mesolcina Bassa cun 782 cunter 83 vuschs, ed approva la nova lescha communala per fatgs dals pumpiers a Roveredo cun 745 cunter 111 vuschs.

  • vopna da Favugn
    Legenda: Favugn RTR

    Favugn prolunghescha contract cun tiradurs

    Favugn approva da prolungar il contract da dretg da construcziun cun l'Uniun dals tiradurs Favugn.

  • vopna da Grono
    Legenda: Grono RTR

    Grono reveda corporaziun da scola dal Moesano

    Grono approva la revisiun parziala dals statuts da la corporaziun da scola dal Moesano cun 367 cunter 48 vuschs.

  • vopna da Cuira
    Legenda: Cuira RTR

    Cuira creescha basa per sviluppar implants da sport Obere Au

    Cuira approva revisiun parziala da l'urden fundamental per sviluppar enavant ils implants da sport Obere Au, e per pussibilitar ina halla d'events – quai cun 9937 cunter 1743 vuschs.

  • vopna da Tavau
    Legenda: Tavau RTR

    Tavau approva transparenza

    Tavau approva il princip da transparenza cun 2388 cunter 320 vuschs, ed ha elegì Rebekka Gadmer-Matthis en il cussegl da scola cun 787 vuschs.

  • Scuol
    Legenda: Scuol RTR

    Scuol approva revisiun ed omaduas cuntrapropostas

    Scuol approva la revisiun parziala da la constituziun communala ed omaduas cuntrapropostas da la suprastanza a las iniziativas «midament artitgel 34 al. 4 da la constituziun communala» e «dapli per cumprar – damain per parcar».

  • vopna da Landquart
    Legenda: Landquart RTR

    Landquart approva sanaziun ad Igis ed il princip da transparenza

    Landquart ha approvà il credit da CHF 4,5 milliuns per sanar la veglia chasa da scola primara ad Igis, e decida era il princip da transparenza.

  • vopna da domat
    Legenda: Domat RTR

    Domat renovescha ed engrondescha chasa communala

    Comat ha approvà il credit da CHF 5 milliuns per renovar ed engrondir la chasa communala.

  • vopna d'Arosa
    Legenda: Arosa RTR

    Arosa ha elegì ed approvà project Valmischein

    Arosa ha approvà la revisiun parziala da la planisaziun locala per explotar e deponer dapli material a Valmischein – quai cun 847 cunter 68 vuschs. Lura ha Arosa elegì Cinzia Hediger (PLD) sco presidenta dal cussegl da scola e Noldi Heiz (PLD) sco commember dal cussegl da scola or da l'anteriura vischnanca Arosa.

  • San Murezzan
    Legenda: San Murezzan RTR

    San Murezzan dat credit per ennevar loipa Pro San Gian

    San Murezzan approva il credit da CHF 1,8 milliuns per installar ils indrizs necessaris per ennevar la loipa da passlung Pro San Gian – quai cun 865 cunter 382 vuschs.

  • vopna da Claustra-Serneus
    Legenda: Claustra-Serneus RTR

    Claustra-Serneus sbitta runal Heid ed approva urden d'alp

    Claustra di na a l'iniziativa dal pievel che pretenda in runal en il territori Heid, ed approva la revisiun totala da l'urden d'alp e pastgira.

  • Zernez
    Legenda: Zernez RTR

    Zernez approva planisaziun locala a Lavin

    Zernez ha approvà la revisiun da la planisaziun locala a Lavin cun 386 encunter 103 vuschs. Uschia vegn pussibilitada in'annexa ad ina stalla d'in manaschi puril.

  • Val - Vals
    Legenda: Val - Vals RTR

    Val modernisescha servetsch da salvament

    Val Son Pieder ha approvà l'adattaziun dal reglament dal servetsch da salvament cun 357 encunter 12 vuschs.

  • Trun
    Legenda: Trun RTR

    Trun approva planisaziun locala

    Trun ha approvà la revisiun parziala da la planisaziun locala cun 404 cunter 45 vuschs. Quella pertutga tranter auter ina nova enzonaziun en il territori Ferrera per pussibilitar ina pratica da fisioterapia.

  • Bravuogn Filisur
    Legenda: Bravuogn Filisur RTR

    Bravuogn Filisur ha elegì la cumissiun da l'ovra electrica

    Bravuogn Filisur ha elegì Erwin Caviezel en la cumissiun da l'ovra electrica cun 259 vuschs.

  • Mesocco
    Legenda: Mesocco RTR

    Mesocco auza credit per replantar guaud ars

    Mesocco approva l'augment dal credit per las lavurs da replantar il guaud ars il december 2016 da CHF 780'000 sin CHF 3'000'000 francs – quai cun 371 encunter 84 vuschs.

  • Vaz / Obervaz
    Legenda: Vaz / Obervaz Vaz / Obervaz RTR

    Vaz / Obervaz ha elegì

    Vaz ha elegì Ernst Meier en la cumissiun da gestiun cun 348 vuschs. In segund sez resta vacant per mancanza d'ulteriuras candidaturas.

  • vopna da Lumnezia
    Legenda: Lumnezia RTR

    Lumnezia simplifitgescha orvras da meglieraziun

    Lumnezia approva la lescha per unifitgar il mantegniment da las ovras da meglieraziun – quai cun 736 cunter 91 na. (actualmain valan anc ils otg reglaments da las anteriuras vischnancas).