Siglir tar il cuntegn
cuntegn

Votaziuns communalas Dapli transparenza a Tavau

A Tavau duai da nov mintga persuna pudair prender invista en documents uffizials, sch'ella fa ina dumonda en scrit.

Mauns d'in um che sfeglian tras actas en in truchet.
Legenda: Tavau ha decidì davart l'introducziun dal principi da transparenza. Keystone

Ils votants e las votantas da Tavau han decidì cun 88,18% d'introducir il principi da transparenza era sin livel communal. Uschia po mintga persuna che pretenda quai a scrit, prender invista en documents uffizials da la vischnanca. Excepziuns datti mo sche la sfera privata d'ina persuna vegn tangada.

Sin livel chantunal è il principi da transparenza , il link avra en ina nova fanestravegnì introducì gia il november 2016. La lescha chantunala lascha dentant avert, schebain las vischnancas introduceschan quest principi era sin livel communal u betg. Vischnancas che pussibiliteschan gia invista en documents uffizials èn Cuira e Domat. Oz ha medemamain Landquart decidì davart il principi da transparenza.

Stretga cursa per plaz en cussegl da scola

Ultra da quai è Rebekka Gadmer-Mathis elegida be cun ina vusch sur la maioritad absoluta. En tut hai dà 1'571 vuschs da candidats valaivlas. Uschia munta la maioritad absoluta a 786 vuschs. Gadmer Mathis ha survegnì ina vusch dapli numnadamain 787.

La concurrenta Linda Zaugg gudagnà 716 vuschs per ella.

Dumengia da votaziuns