Siglir tar il cuntegn
Inhalt

Votaziuns federalas Refurma da rentas fa naufragi

Pervi da la maioritad dals chantuns tar la taglia sin plivalur fa la refurma da rentas 2020 naufragi.

Purtret da las trais pitgas da l'AVS e duas cranas ruttas giun plau.
Legenda: La refurma da rentas 2020 ha fatg naufragi. RTR

MWST-Erhöhung für AHV

Svizra: Conclus Federal davart la finanziaziun supplementara da la AVS tras in augment da la taglia sin la plivalur

  • GEA

    50.0%

    1'254'675 Vuschs

  • NA

    50.0%

    1'257'032 Vuschs

Vuschs dals chantuns

  • GEA

    9.5

  • Na

    13.5

L'augment da la taglia sin la plivalur avess stuì vegnir confermà da la maioritad dals chantuns. Quel pli n'è betg vegnì cuntanschì. Perquai ch'ils dus projects eran stretgamain liads in cun l'auter – nagina refurma senza finanziaziun da l'AVS via augment da la taglia sin plivalur – fa uss l'entira refurma da rentas 2020 naufragi.

Reform Altersvorsorge 2020

Svizra: Lescha federala davart la refurma da la prevenziun da vegliadetgna 2020

  • GEA

    47.3%

    1'186'079 Vuschs

  • NA

    52.7%

    1'320'830 Vuschs

Il trend aveva gia mussà en quella direcziun

La refurma da rentas aveva chaschunà grondas discussiuns. Damai ch'ella pretenda pliras midadas – ina da la lescha per la taglia sin la plivalur ed ina da la Constituziun federala, hai duvrà dus cedels da votaziun.

Sch'i fiss vegnì votà l'entschatta settember davart ils projects da votaziun, avessan 50% dals dumandads ditg «gea» al conclus federal davart la finanziaziun da l’AVS, 45% avessan ditg «na». A la lescha davart la refurma da rentas 2020 avessan 51% ditg «gea» e 44% «na». Anc betg decidì co votar davart quels dus projects avevan 5%. La retschertga mussa pia in fitg stretg «gea». Il trend ha dentant mussà en l'autra direcziun.

Il Grischun di na ad omadus projects

Tuttas vischnancas grischunas èn dumbradas ora. 54,23% da quellas vuschs din «Na» a la lescha federala davart la prevenziun da la vegliadetgna 2020. 45,77% dals votants han ditg «Gea».

Tar il conclus federal davart la finanziaziun supplementara da la AVS tras in augment da la taglia sin la plivalur vesi ora sumegliant. 52,72% dal Grischun han ditg «na» a l'augment da la taglia sin plivalur e 47,28% han ditg «gea».

RR novitads 12:00