Siglir tar il cuntegn
cuntegn

2017/05/21 Lucerna vinavant senza budget valaivel

En il chantun Lucerna ston regenza e parlament metter tras mesiras da spargn radicalas. Ils votants e las votantas han ditg na ad in augment dal pe da taglia. Quai vess purtà al chantun entradas supplementaras da 64 milliuns francs.

La punt dal lai a lucerna cun in bandiera dal chantun Lucerna.
Legenda: Luzern ha ditg na ad in augment da la taglia. Keystone

A Lucerna ha la politica da finanzas da la regenza e dal parlament fatg naufragi. La populaziun ha refusà cun 54,3% in augment dal pe da taglia da 1,6 sin 1,7 unitads. Cun quest augment vessi dà 64 ulteriurs milliuns francs en la cassa dal chantun.

Cunter l’augment dal pe da taglia aveva la PPS lantschà il referendum. Lucerna ha pervia da quai dapi l’entschatta da l’onn nagin budget valaivel. Cun la decisiun dad oz vegn quest stadi prolungà. Il chantun sto vinavant restrenscher sias expensas sin las pli necessarias.

RR novitads 14:00