Siglir tar il cuntegn
Inhalt

2017/05/21 Argovia – betg dapli subvenziuns individualas per premias

Il chantun Argovia na sto betg pajar dapli per subvenziunar individualmain las premias da cassas da malsauns. Ils votants e las votantas han refusà cleramain ina tala iniziativa da la PS.

Cartas da differentas cassas da malsauns.
Legenda: Betg dapli subvenziuns individualas per premias en il chantun Argovia. Keystone

En il chantun Argovia na dastgan en l'avegnir betg dapli persunas profitar d'ina reducziun da las premias per las cassas da malsauns. L'iniziativa da la PS «Per premias da cassas da malsauns pajablas per tuts» è vegnida refusada cun prest 66% da las vuschs.

La PS vuleva cuntanscher cun questa iniziativa che chasadas che ston pajar pli che 10% da lur entradas per la cassa da malsauns, survegnian subvenziuns dal chantun. La regenza ed il parlament avevan argumentà ch’ils custs per quai pudessan muntar fin a 70 milliuns francs l'onn.

Gest oz ha la «NZZ am Sonntag» rapportà ch'il PS Svizzer vul lantschar in'iniziativa cun la medema finamira per l'entira Svizra.

RR novitads 16:00