Siglir tar il cuntegn
Inhalt

Gieus olimpics 2026 A revair gieus olimpics 2026

60.09% da las vuschs en Grischun din 'na' a la candidatura per gieus olimpics 2026. Era Tavau e San Murezzan n'èn betg stads persvas da la chaussa.

60,09% da las vuschs din 'na' per il credit per la candidatura dal Grischun per gieus olimpics 2026. Quai èn 41'633 vuschs na e 27'648 vuschs gea. Er San Murezzan che fiss stà 'Host City' n'è betg stà persvadì d'ina tala candidatura. Els din na cun 837 cunter 655 vuschs. Tavau di na cun 1'878 vuschs cunter 1'672 vuschs gea.

Cun questa votaziun decida il pievel na vul betg lubir in credit d'impegn da 25 milliuns francs per elavurar la candidatura per ils gieus olimpics e paralimpics d'enviern 2026. Cun approvar quest credit avessan las votantas ed ils votants dal Grischun legitimà ch'il chantun avess pudì metter a disposiziun ils meds finanzials necessaris enfin l'atun 2019. Per il Grischun avessan duì resultar la finala custs da maximalmain 9 milliuns francs. 8 milliuns francs fissan vegnids da la Confederaziun ed ils ulteriurs 8 milliuns da Swiss Olympic.

RR votaziuns 12:00+