Siglir tar il cuntegn
Inhalt

Votaziuns federalas Sustegn per la revisiun da la lescha d'asil

L'Uniun da las citads svizras vul proceduras d'asil pli sveltas.

Ina funcziunaria pachetescha in document da legitimaziun d'esters en ina cuverta
Legenda: L'Uniun da las citads svizras sustegn la revisiun da la lescha d'asil. Keystone

Las novas proceduras concentreschian las cumpetenzas sin champ federal e sajan pli cleras tar il dretg da dimora dals requirents d'asil, communitgescha la UCS (SSV). Quai distgargia era las citads e las vischnancas. Per las citads fetschia quai senn da reglar pli svelt las proceduras d'asil.

Requirents san gia co vinavant

En l'avegnir survegnian las citads e las vischnancas requirents d'asil che hajan gia en satg la decisiun en connex cun lur dumonda d'asil. Enfin uss arrivavan savens requirents d'asil che na savevan betg co i va vinavant. Quai saja malempernaivel per omaduas varts. Pervi da quai di l'Uniun da las citads svizras gea a quest project da votaziun dals 5 da zercladur.

RR novitads 15:00