Siglir tar il cuntegn

Votaziuns federalas Rinforza l’iniziativa propi il provediment da basa?

L'iniziativa «Pro Service public» vul etablir novas maximas per il provediment da basa. Concret pretenda l'iniziativa che gestiuns liadas al stadi sco la Posta, la Swisscom e las Viafiers federalas na duain betg pli aspirar in gudogn.

Ultra da quai pretenda l'iniziativa ch’il gudogn vegn reinvestì entaifer la firma sezza e na sbucca betg en la chascha dal stadi per subvenziunar auters secturs da l'administraziun. E la terza pretaisa da l'iniziativa è ch’ils schefs e las scheffas da gestiuns liadas al stadi na duain betg pli pudair gudagnar dapli ch’in commember dal Cussegl federal.

Anna Serarda Campell ed Adrian Camartin ha ramassà ils arguments ils pli chapitals per e cunter l'iniziativa, davart la quala nus decidain ils 5 da zercladur 2016 a l'urna.

RR actualitad 17:00