Pli spert e favuraivel u memia pauc rigurus e privlus?

Cun la revisiun duain las proceduras d'asil daventar pli curtas. A medem mument duain ellas restar gistas, quai grazia a l’assistenza giuridica gratuita.

Per cuntanscher questa finamira vul la Confederaziun eriger 16 centers d'asil spezials en ils quals tut las persunas involvidas en ina procedura d'asil duain esser reunidas ed uschia lavurar pli effizient. La PPS ha tschiffà il referendum cunter la midada. Per ella na va la revisiun betg avunda lunsch e la pussaivladad d’expropriar cuntrafetschia a la Constituziun federala.

Anna Serarda Campell ed Adrian Camartin ha ramassà ils arguments ils pli chapitals per e cunter l'iniziativa, davart la quala nus decidain ils 5 da zercladur 2016 a l'urna.

RR actualitad 07:00