Siglir tar il cuntegn
Inhalt

Votaziuns federalas Partidas averteschan da consequenzas da «Pro Service public»

L’avertiment da las partidas svizras tuna placativ: L’iniziativa «Pro Service public» na porta betg damain tualettas stuppadas en trens, na fa betg arrivar pli spert brevs ed er las tariffas da roaming na vegnan betg pli bunmartgadas. Daco averteschan las partidas politicas talmain da l’iniziativa?

Il comité independent ha infurmà davart lur posiziun areguard l'iniziativa dal servetsch public.
Legenda: Il comité independent ha infurmà a Berna davart lur posiziun areguard l'iniziativa dal servetsch public. Keystone

Las partidas politicas averteschan da las consequenzas d’in gea a l’iniziativa «Pro Service public». Darar haja quai da ad in cumbat da votaziun ina discrepanza uschè gronda tranter las decleraziuns dals iniziants ed il text d’iniziativa, uschia èsi da leger en in appel communabel da la PPS, PLD, PCD, PS, PBD, PVL e Verds.

Donns fissan pli gronds che discutà

Il dretg dals iniziants d'avair il dretg exclusiv d'interpretar l'iniziativa laschia tiers arbitrariadad cumplaina. L'iniziativa giaja pli lunsch e pertutgass era la Banca naziunala svizra, la FINMA, Skyguide, la SRG u la SUVA.

Da relevanza stoppia esser il text da l’iniziativa e betg ils giavischs dals iniziants. Mo uschia saja garantì la segirezza giuridica. L’approvaziun da l’iniziativa manass ad in caos da realisaziun che paralisass il servetsch public durant onns.

RR novitads 16:00