Siglir tar il cuntegn

Votaziuns federalas Lescha d’asil: aderents prendan posiziun

Stgars dus mais avant la votaziun federala davart las midadas tar la lescha d’asil han ils aderents prendì posiziun. Las novas proceduras d’asil saja spertas e fairas. Areguard ils blers fugitivs saja ina procedura d’asil sperta urgentamain necessaria.

Placat cun il titel: Gea a la revisiun da la lescha d'asil.
Legenda: Las novas proceduras d’asil saja spertas e fairas, dian ils aderents da la revisiun da la lescha d'asil. Keystone

Il comité independent crititgescha la Partida populara ch’ha lantschà il referendum. La partida blocheschia soluziuns constructivas e veglia economisar il tema asil enstagl da chattar soluziuns.

Tar il comité tutgan 130 parlamentaris da tut las partidas cun excepziun da la PPS. Quella crititgescha surtut ils advocats gratuits che duain en l’avegnir star a disposiziun als migrants. Il pievel svizzer decida ils 5 da zercladur en chaussa.

RR novitads 16:00