Siglir tar il cuntegn

Votaziuns federalas Iniziativa «Pro Service public» è giud maisa

L'iniziativa dal pievel «A favur dal servetsch public» ha fatg naufragi pervi da la maioritad dals chantuns. Ils votants en tuts chantuns han cleramain refusà il project.

Service-public-Initiative

Svizra: Iniziativa dal pievel «A favur dal servetsch public»

  • GEA

    32.4%

    784'624 Vuschs

  • NA

    67.6%

    1'636'967 Vuschs

Vuschs dals chantuns

  • GEA

    0.0

  • Na

    23.0

Ils adversaris da l'iniziativa «A favur dal servetsch public» valiteschan il cler «Na» a l'iniziativa sco confess per il bun service public existent en la Svizra. Tuttina stoppia la politica prender en mira pajas pli bassas per ils schefs da SBB, Swisscom e Posta. Quai ha ditg il cusseglier naziunal da la PLD Kurt Fluri.

Las interpresas ston uss communitgar bain

La cussegliera federala Doris Leuthard ha manegià, chi saja uss vid las interpresas da megliurar vinavant la qualitad dals servetschs e comunitgar bain las decisiuns.

Las votantas ed ils votants dal Grischun han cleramain refusà l’iniziativa «A favur dal servetsch public». Il resultat final grischun è tar 71,35% NA a 28,65% GEA.

Per tge vai?

L'iniziativa «Pro Service public» ha vulì etablir novas maximas per il provediment da basa. Per gestiuns liadas al stadi sco la Posta, la Swisscom e las Viafiers federalas muntass quai tar in «Gea» da betg pli avair la finamira da far in gudogn.

Ultra da quai ha l'iniziativa pretendì ch’il gudogn vegnia reinvestì entaifer la firma sezza e na sbucca betg en la cassa statala per subvenziunar auters secturs da l'administraziun. La terza pretaisa da l'iniziativa era ch’ils schefs e las scheffas da gestiuns liadas al stadi na duain betg pli pudair gudagnar dapli ch’in commember dal Cussegl federal.

RR novitads 14:00++