Il pievel svizzer decida sur da la medischina da reproducziun

Il referendum sur da la medischina da reproducziun è gartegiada formalmain. Sco la Chanzlia federala scriva sajan vegnidas inoltradas passa 58’112 suttascripziuns valaivlas.

Persunas portan chistas cun en suttascripziuns.

Legenda da maletgs: Gia ils 10 da december aveva gruppas social engaschadas inoltrà il referendum cunter la medema lescha. Keystone

Ils 14 da zercladur ha il pievel svizzer approvà cun 62% da las vuschs la diagnostica da preimplantaziun. Uschia è vegnì stgaffì sulet la premissa medicinala per pudair examinar embrios inseminads avant ch'els vegnan implantads en il venter da la mamma.

La permissiun effectiva da la diagnostica da preimplantaziun è dentant reglada en la lescha davart la medischina da reproducziun. Cunter questa lescha datti uss opposiziun.

Trais comités independents han inoltrà il referendum

En tut han trais comités fatg valair che la lescha saja memia e giaja memia lunsch. Cunzunt vegn crititgà la pratica da controllar tut ils embrios producids sin pussaivels sbagls genetics ed uschia da selecziunar la vita. Quai avria la porta a ulteriuras basegns da selecziun e quai na saja betg il senn, scriva in comité cun represchentants cunzunt da la PPS, PCD e PLD. Ma er represchentants da las partidas sanestras e gruppaziuns social engaschadas en sa furmads cunter la lescha da la medischina da reproducziun ed han inoltrà ils 10 da december las suttascripziuns.

RR novitads 14:00