Siglir tar il cuntegn

Votaziuns federalas Chantuns argumenteschan cunter «Iniziativa da la vatga da latg»

Ils chantuns refusan cun vehemenza l’iniziativa da la vatga da latg. Tar in gea na fissan els betg abels da cumpensar las reducziuns dals daners da la Confederaziun. Quai giessi sin donn e cust da la furmaziun, la segirezza, l’agricultura ed il traffic public, averteschan ils chantuns.

Placat cun inscripziun: Raubzug auf die Bundesksasse. Milchkuh-Initiative Nein
Legenda: Tenor l’administraziun federala da finanzas vegnissan las contribuziuns da la Confederaziun als chantuns scursanidas per radund 190 milliuns francs. Keystone

Tenor l’administraziun federala da finanzas vegnissan las contribuziuns da la Confederaziun als chantuns scursanidas per radund 190 milliuns francs. L’iniziativa pretenda che tut las entradas da la taxa sin petroli vegnia sulettamain duvrada per las vias.

Chantuns sustegna il NAF

La reducziun da las prestaziuns en quests secturs tutgass bleras persunas en Svizra, uschia il president da la conferenza da las regenzas chantunalas Jean-Michel Cina. Per surmuntar stretgas tar il traffic da via sustegna ils chantuns enstagl in fond per las vias naziunalas ed il traffic d’aglomeraziun (NAF) sco quai ch’il cussegl federal propona.

L’iniziativa da la vatga da latg che sa numna atgnamain «Iniziativa per ina finanziaziun gista dal traffic» vegn en votaziun ils 5 da zercladur.

RR novitads 12:00