Siglir tar il cuntegn

Votaziuns federalas Alain Berset avertescha d'in entrada da basa nuncundiziunada

Tenor il cusseglier federal pudess in'entrada da basa nuncundiziunada transfurmar da fund ensi l'economia e la societad. Perquai avertescha Alain Berset da quest experiment che vegn il zercladur en votaziun.

nota da 10francs cun si reclama per l'iniziativa per ina paja minimala senza cundiziuns
Legenda: L'iniziativa che vegn il zercladur en votaziun pretenda ina paja minimala senza cundiziuns per tuts. Keystone

Bain renconuschia el la mira da l'iniziativa da pussibilitar a l'entira populaziun in'existenza digna e da pudair sa participar a la vita publica, uschia Berset. L'incumbensa saja dentant gia fixada en la constituziun ed il sistem social che saja bain sviluppà pussibiliteschia gia quai.

Per persunas cun pajas bassas na rendessi betg pli da lavurar. Plinavant perdess l'economia svizra tenor il Cussegl federal glieud qualifitgada e tant lavurs da producziun sco er servetschs vegnessan transferids en l'exteriur.

Ils initiants proponan ina paja minimala per creschids da 2500 francs per mais. Il text d'iniziativa lascha dentant avert l'autezza da la paja minimala. En tut custass l'entrada da basa nuncundiziunada uschia 208 milliardas francs.

RR novitads 15:00