2 x «Gea» e 3 x «Na»

Questa dumengia da votaziun n'hai dà naginas surpraisas. El ha ditg «Gea» a la midada da la lescha d'asil e a la midada da la lescha da medischina da reproducziun e «Na» a las 3 iniziativas - a la finanziaziun gista dal traffic, al servetsch public ed a l'entrada da basa nuncundiziunada.

Duas midadas da lescha èn acceptadas, trais iniziativas fan naufragi.

Legenda da maletgs: Duas cifras che resplendan il resultat: Duas midadas da lescha èn acceptadas, trais iniziativas fan naufragi. RTR

Igl è stà ina dumengia da votaziuns senza grondas surpraisas. Las trais iniziativas èn idas da l'aua giu, las duas midadas da lescha èn vegnidas acceptadas. La participaziun a las elecziuns muntà a radund Infurmaziuns detagliadas chattais Vus cun cliccar sin il project giavischà.

PROJECTS ACCEPTADS

Revisiun da la lescha d’asil: 66,8% gea - 33,2%

Teaser

Legenda da maletgs: RTR

Tant ils socialdemocrats (PS) sco la Partida verda valiteschan il «Gea» cler a la revisiun da la lescha d'asil sco terrada per la Partida populara svizra (PPS).

Il «Gea» saja plinavant ina victoria per ina politica che vul schliar problems, ha ditg il socialdemocrat Cédric Wermuth.

Il president da la PPS Albert Rösti è dad auter avis e na vul betg dar in grond pais a la terrada a l'urna: «Quai n'è betg stà in plebiscit pro u contra PPS, mabain ina discussiun factica».

Lescha davart la medischina da reproducziun LRAM: 62,4% gea - 37,6% na

Teaser

Legenda da maletgs: RTR

Ils aderents da la nova lescha da medischina da reproducziun sa legran. Per els è il resultat in cler votum per ina medischina progressiva. «Grondius», uschia la cussegliera naziunala Regine Sauter (PLD/ZH). Ella saja persvasa ch’i vegnia a dar damain aborts grazia a las novas metodas da tractament.

Ils adversaris da teman però ch’in’applicaziun da la lescha pudess vegnir schlargiada quietamain. Uschia averteschan els d’in surdiever. «I vegn ad esser grev da controllar il surdiever da la lescha en la pratica», ha ditg la cussegliera naziunala Marianne Streiff-Feller (PEV/BE).

PROJECTS REFUSADS

Iniziativa a favur dal servetsch public: 67,6% na - 32,4% gea

Teaser

Legenda da maletgs: RTR

Ils adversaris da l'iniziativa «A favur dal servetsch public» valiteschan il cler «Na» a l'iniziativa sco confess per il bun service public existent en la Svizra. Tuttina stoppia la politica prender en mira pajas pli bassas per ils schefs da SBB, Swisscom e Posta. Quai ha ditg il cusseglier naziunal da la PLD Kurt Fluri.

La cussegliera federala Doris Leuthard è da l’avis che las interpresas sajan uss dumandadas da megliurar vinavant la qualitad dals servetschs e communitgar bain las decisiuns.

Iniziativa per ina finanziaziun gista dal traffic: 70,8% na - 29,2% gea

Teaser

Legenda da maletgs: RTR

Ils importaders d’autos svizzers èn consternads dal resultat: «Ils utilisaders d’autos restan las ‘vatgas da latg’ da la naziun». La mesadad da la taglia d’ielis minerals va vinavant en la cassa dal stadi. Ils iniziants avevan admonì ch’ils automobilists vegnian «mulschids» cun in tal sistem. La lobi d’automobils vul

Il minister da finanzas Ueli Maurer percunter ha ditg suenter las votaziuns che la populaziun svizra saja sa decidida per in equiliber dals differents pensums da la Confederaziun. Ils problems dal traffic sin via possian uss vegnir schliads cun in’autra soluziun.

Iniziativa per in'entrada da basa nuncundiziunada: 76,9% na - 23,1% gea

Teaser

Legenda da maletgs: RTR

Daners senza cundiziun na datti er vinavant betg per Svizras e Svizzers. L’iniziativa n’aveva gia da l’entschatta betg grondas schanzas. Malgrà il cler naufragi èn ils iniziants – ina gruppa d’intellectuals, artists e publicists – sa mussads cuntents cun il resultat. La fin finala haja mintga tschintgavel votà per l’iniziativa, quai saja in resultat «extraordinari», ha ditg il cuniniziant Daniel Häni.

En ils blers chantuns han dapli che 80 pertschient da las votantas e dals votants ditg «Na». Il pli grond sustegn ha il project survegnì dals chantuns da Basilea-Champagna e dal Giura cun ina cumpart da «Gea» da mintgamai 36 pertschient.

RR novitads 18:00