Val Müstair: Gea a la nova lescha da turissem

Cler gea a la nova lescha da turissem cun taxas fixas e per tut las branschas

vopna val müstair ed in gea

Legenda da maletgs: RTR

La populaziun da la Val Müstair ha ditg cleramain gea a la nova lescha cun 308 encunter 173 vuschs. La lescha è la consequenza da la decisiun da la Val Müstair dal zercladur 2014 da restar part da la destinaziun Engiadina Scuol Samignun Val Müstair.

Ussa sto la Val Müstair pajar radund 450'000 francs sco commember da la destinaziun. Quai èn radund 120'000 francs dapli ch'avant e correspunda a radund 10% da las aczias da la destinaziun. Latiers vegnan custs per mantegnair infrastructura turistica. La nova lescha fixescha en detagl las taxas da giasts e las taxas da turissem per tut las branschas.

Taxas fixas

Da nov èn las taxas fixas e betg pli dependentas da las pernottaziuns effectivas. In hotel per exempel paja en l'avegnir mintg'onn ina taxa fixa tenor il numer da letgs. Era las branschas betg turisticas pajan taxas fixas.