Siglir tar il cuntegn

Header

In maun che tegn bancnotas da 10.
Legenda: Cun notas da 10 na fiss Urs Marti forsa betg cuntent. Keystone
cuntegn

Ulteriur Grischun Urs Marti malcuntent cun sia paja

Il suveran da Cuira scursanescha la paja dal cussegl da la citad, inclusiv la paja dal president Urs Marti. Quel e malcuntent e vul ussa era scursanir la paja a l'administraziun. El ristga cun quai sapentivamain che Cuira survegn difficultads cun la recrutaziun dal cader.

audio
La paja dal president da Cuira chaschuna discussiun
ord Actualitad dals 07.06.2016.
laschar ir. Durada: 2 minutas 56 Secundas.

Urs Marti, il president da Cuira, aveva fin ussa ina da las meglras pajas da tut ils presidents da citads svizras. Dapli che el gudognan be ils presidents dad in pèr citads pli grondas sco Turitg u Genevra. Dapi ch'ils abitants da Cuira han ussa scursanì sia paja per 20% (da 262'000 francs l'onn sin 230 000 francs) è el be anc sin plazza 27. Uss vul el scursanir la paja da l'administraziun. Nagin emploià da cader duai gudagnar dapli ch' il president. Per consequenza pudess la citad survegnir difficultads da chattar avunda persunal. Ed uschia è quai fin l'ultim il votant che sto magliar ora la buglia.

Autras citads, autras experienzas

In sguard a Kreuzlingen TG nua che il president ha ina sumeglionta paja sco Urs Marti, mussa: Kreuzlingen n'ha insumma naginas difficultads da recrutar persunal da cader. Quai di il schef da finanzas da Kreuzlingen, Thomas Knupp. Ina autra citad cumparegliabla e Uster ZH. Uster ha bunamain medem blers abitants e la paja dal president è be pauc sut quella dal president da Cuira. Ed Uster para da confermar il scenari somber dad Urs Marti: Pervi da la limitaziun da las pajas haja Uster propi difficultads da chattar emploiads da cader, di il schef da persunal Walter Schürch.

Legenda:
Las pajas dals presidents da las citads Cifras da citads en grondezza cumparegliablas cun Cuira. Sonntagszeitung dals 21-02-2016

RR actualitad da mezdi

Artitgels legids il pli savens