Siglir tar il cuntegn
cuntegn

Elecziuns PS Cuira: Cumbat electoral en ina nova dimensiun

Ils tschintg da zercladur vegnan uschebain il parlament da Cuira sco er il cussegl dalla citad elegì danovamain. Damai che Doris Caviezel-Hidber demissiunescha, vul la PS tegnair quai sez en il cussegl da la citad. Uschia investescha ella spezialmain bler en il cumbat electoral per Patrik Degiacomi.

logo dalla PS
Legenda: La PS da Cuira investescha dapli en il cumbat electoral che la PBD u la PPS. MAD

Radund 80'000 francs custa il cumbat electoral da la PS da Cuira per quest onn. Sper la propaganda ordinaria organisescha ella er sairas da discurs cun il cusseglier dals chantuns e president da la partida mamma Christian Levrat e cun la cussegliera naziunala Jacqueline Badran.

«Cura che Doris Caviezel-Hidber ha candidà avant otg onns per l' emprema giada, èn las investiziuns era stadas circa uschè grondas", di Lucas Horrer, manader dal cumbat electoral.

Dapli che autras partidas

La PPS da Cuira dovra cun 25'000 fin 30'000 francs pli paucs meds, sco quai ch' il president, Mario Cortesi, declera. Era las investiziuns dalla PBD èn pli pitschnas. Ins quintia cun custs da 45'000 fin 50'000 francs, uschia il president, Christian Foidl.

RR Actualitad saira 17:00


Sans anc…

Il 2008 era Doris Caviezel Hidber ida en il cumbat electoral per il sez en la regneza da Cuira: Il Telesguard dals 19-05-2008

Legenda: Guardar il video Preschentaziun da la candidata Doris Caviezel-Hidber 2008. Durada 03:09 minutas.
Or da RTR dals 09.05.2016.