Siglir tar il cuntegn
Inhalt

Elecziuns Elecziuns Cuira - Placats tut a dubel u na?

En duas emnas èsi uschè lunsch ed ils da Cuira han d'eleger in nov cussegl da la citad ed in nov parlament. Cler ch'ils candidats dattan tut en il cumbat electoral, u na? Nus essan stads a guardar placats.

Legende: Video Placats senza fin abspielen. Laufzeit 01:33 Minuten.
Or da RTR dals 20.05.2016.

Otg candidats cumbattan per ils trais sezs. Dentant be in vegn liber: Quel da Doris Caviezel-Hidber. Ella è la suletta che fa plaz e tuttina vulan sis novs vegnir en la regenza da Cuira. Ils cussegliers da la citad da fin qua, Tom Leibundgut da la glista libra ed il liberaldemocrat e president da la citad Urs Marti, vulan restar en uffizi.
Uschia ch'i dat otg candidats per trais sezs. Ils candidats novs èn:

  • Marco Tscholl (PBD)
  • Salome Mathis (PVL)
  • Patrik Degiacomi (PS)
  • Hanspeter Hunger (PPS)
  • Peter Portmann (PCD)
  • Beat Nay (senza partida)

Blers candidats fan blers placats

Quai ves'ins a Cuira. Cunzunt en las vias principalas cun traffic dad autos sco la Via da Masans, la Via da la Caserna e la Ringstrasse hai placats tut a dubel. Dentant er en il center da la citad en las zonas da peduns hai blers placats. Fatschas rientas davos mintga chantunada. Sa chapescha hai er a la staziun divers placats sin la plazza sco er en il sutpassadi.

APG profitescha da blers placats

L'APG, la «Allgemeine Plakatgesellschaft» ch'è responsabla per pender ora ils placats po sa chapescha er profitar da tants placats. Radund 20% dapli placats che tar las elecziuns d'avant quatter onns han els pudì pender si quest onn, uschia Massimo Bonotto, il repsonsabel da l'APG Cuira. Che bleras partidas e candidats mettan si agens placats «selvadis» saja nagin problem per la APG.

Wir haben genug vom Kuchen - Wir haben einen schönen fünfstelligen Betrag den wir umsetzen können.
Autur: Massimo Bonottoresponsabel APG Cuira

Ins possia profitar avunda. Nua e con blers placats che pon vegnir mess si saja dal reminent reglà cleramain davart da la citad. Qua saja Cuira fitg exemplaric.