Siglir tar il cuntegn

Header

cuntegn

Votaziuns dal november Cussegl federal refusa l'iniziativa da giustia

Il trair la sort per eleger derschadras e derschaders federals na fa betg da basegn. Da quest avis è cussegliera federala Karin Keller-Sutter. Ella ha lantschà la campagna cunter l'iniziativa da giustia, che vegn en votaziun la fin da november. Il sistem actual saja sa cumprovà: L'elecziun da derschadras e derschaders federals tras il parlament saja democratic e transparent, manegia il Cussegl federal. Il trair la sort fiss ina decisiun casuala. Refusà l'iniziativa, che vul remplazzar la procedura actuala, ha dasper il Cussegl federal er il parlament.

audio
Posiziun Cussegl federal tar l'iniziativa da giustia
02:04 min, Actualitad dals 11.10.2021.
laschar ir. Durada: 02:04 minutas.

Elecziun tras il parlament vs. trair la sort

Oz elegia il parlament mintga sis onns las derschadras ed ils derschaders federals. Il parlament resguarda cun il proporz da partidas che las partidas sajan represchentadas adequatamain. Preparadas vegnan las elecziuns tras la cumissiun parlamentara da la dertgira.

L'iniziativa da giustia vul che las derschadras ed ils derschaders vegnan elegids cun trair la sort enstagl sin via democratica. Il problem d'eleger tenor fermezza da partida saja la dependenza da las derschadras ed ils derschaders federals da lur centralas da partida, di l'iniziant Adrian Gasser. L'iniziativa vul ch'il Cussegl federal metta ensemen ina cumiussiun d'expertas ed experts ch'elegia candidatas e candidats valaivels per ils posts da derschaders. A la fin duai la sort lura decider tgi che daventa derschadra u derschader federal. Uschia duain ins impedir che derschaders vegnan per exempel betg pli reelegids sch'els n'èn betg sin la lingia da partida.

RTR novitads 11:00 ;

Artitgels legids il pli savens

Scrollar a sanestra Scrollar a dretga