100 onns Cuira - Arosa

La nova staziun da la viafier retica d’Arosa è vegnida inaugurada. Quai a chaschun da las festivitads da 100 onns traject da viafier tranter Cuira ed Arosa.

Laschar ir video «Inauguraziun da la nova staziun dal train ad Arosa»

Inauguraziun da la nova staziun dal train ad Arosa

2:41 min, Actualitad video dals 13.12.2014

Il directur da la RhB Hans Amacker (dretg) e Lorenza Schmid, president communal d’Arosa, taglian tras la fascha cotschna ed inaugureschan uschia la nova passarella.

Legenda da maletgs: Il directur da la RhB Hans Amacker (dretg) e Lorenza Schmid, pres. comm. d’Arosa, inaugureschan la nova passarella. MAD

L’entira staziun è vegnida renovada e construida tenor il basegn da persunas cun impediment. Cun ina punt pon ins da nov cuntanscher direct las pendicularas dal Weisshorn.

Il traffic da rauba è vegnì optimà cun construir ina nova rampa da chargiar.

Las lavurs han cuzza rodund dus onns ed ils custs muntan a 24,4 milliuns francs.

5’000 persunas a las festivitads da la retica

Sco ils organisaturs scrivan han 5’000 persunas fatg part da las festivitads.

Tranter Cuira ed Arosa èn charrads l’Alpine Classic Pullmann Express sco era ils chars averts da la Viafier retica. Sonda è vegnì inaugurada la nova staziun ad Arosa cun ina passarella che maina direct tar la staziun a val da las pendicularas.