Reminiscenzas da la viafier

Tgi ch’enconuscha persunas che lavuran tar la viafier quel sa che quellas persunas han bain inqual istorgia da raquintar e gist da quellas istorgias avain nus laschà raquintar.

Discurs cun Odilo Caduff (73), Trun

Odilo Caduff

Legenda da maletgs: Odilo Caduff RTR, L. Livers

Odilo Caduff da Trun ha vivì per la Viafier retica. Durant 39 onns ha el vis ad entrar e sortir en il tren nundumbraivels passagiers. Uschia è Odilo Caduff daventà in'instituziun a la staziun da Trun. El ha vis la fluriziun da la staziun da Trun, cura che la fabrica da ponn e differentas fatschentas pli grondas laschavan transportar tut cun la viafier. Chars da biestga bain plains, mintga pur chargiava la biestga per ir a fiera. Odilo Caduff è dentant era stà il davos chaustaziun a Trun. L'automatisaziun da questa staziun l’onn 2001 è gist crudada cun siu pensiunament.
Redacziun: Linus Livers

Istorgias ed anecdotas da chaus-tren da la Viafier retica

Avant 25 onns avevan trais chaus-tren da la Viafier retica raquintà da lur viadis cun ils passagiers sin la rait grischuna. Istorgias magari incrediblas. Per ils differents giubileums da 100 onns da la Viafier retica lascha il Radio Rumantsch reviver questa emissiun da radioarchiv. Plinavant raquinta in chau-tren istorgias actualas cun ils passagiers.