Siglir tar il cuntegn

Header

cuntegn

Vendemia 2021 Happy end per viticulturas e viticulturs grischuns

Suenter ina stad bletscha e frestga èn viticulturs tuttina cuntents cun la vendemia 2021, quai grazia in bel atun.

Happy end per la viticultura grischuna quest onn – quai il facit dal cumissari da viticultura dal Grischun, Walter Fromm. Questa giada n'haja betg il favugn salvà la vendemia – mabain ils mais settember ed october. Durant dis suleglivs hajan viticulturas e viticulturs pudì manar las ivas en ils tschalers. Tenor il cumissari da viticultura, èn las ivas racoltadas da qualitad extraordinaria. Er hajan ins pudì racoltar tant sco en media dals ultims onns – tut en tut 20'000 hectoliters vin.

Motiv per adina dapli racolta en il Grischun è er che la surfatscha da vignas è creschida ils ultims 50 onns.

Stad bletscha ha fatg fastidis

Cunzunt il mais da fanadur saja stà ina sfida per puras e purs da vin. Quel è stà uschè bletsch e fraid sco ditg betg pli. Per la vignas muntia quai adina in privel da bulieus – uschia che viticulturas e viticulturs sajan stads fatschentads cun proteger las vignas. Il Grischun saja persuenter stà schanegià da donns da granella, auters chantun ha quai tutgà fermamain.

Or da l'archiv

La sfarinussa faussa è stada ina gronda sfida per viticulturas e viticulturs la stad 2021.

video
Cumbatter la sfarinussa faussa - dus viticulturs cun duas differentas vias
Or da Telesguard dals 12.10.2021.
laschar ir. Durada: 3 minutas 39 Secundas.

RTR novitads 06:00

Artitgels legids il pli savens