Siglir tar il cuntegn

Header

cuntegn

Tunnel dal Vereina Collisiun da dus trens il 2021: Survesì signal da stop

Uss è la raschun per la collisiun da dus trens en il tunnel dal Vereina da la stad passada enconuschenta. Il locomotivist dad in tren d'autos aveva survesì in signal da «Stop» a Claustra ed è perquai collidà cun in tren da persunas che vegniva encunter.

Locomotivist dal tren da persunas ha reagì

La franada immediata dal tren da persunas haja pudì evitar ina disgrazia, quai mussa il rapport dal post d'inquisiziun da segirezza SUST. I saja d'engraziar a l'attenziun dal locomotivist dal tren da persunas ch'el haja vis ad uras il privel d'ina collisiun. Tar la strivlada dals dus trens l'avust passà n'avevì dà nagins blessads. La Viafier retica aveva reagì sin l'accident cun introducir in nov sistem che duai evitar faussas partenzas.

tren da persunas che ha sdrivlà in tren dad autos en il tunnel dal Vereina
Legenda: La sdrivlada tranter il tren da persunas e quel dad autos è capitada ils 29 d'avust 2021. Polizia chantunala
audio
Per tadlar curt e cumpact
ord RTR Audio dals 20.05.2022.
laschar ir. Durada: 1 minuta 13 Secundas.

RTR novitads 10:00

Artitgels legids il pli savens