Siglir tar il cuntegn

Header

video
Bler sulegl per ils candidats e la candidata per la regenza grischuna
Or da Telesguard dals 02.03.2022.
laschar ir. Durada: 3 minutas 44 Secundas.
cuntegn

Tge dovri? Funcziunar en in gremi: Pel dira ed ir atgnas vias

En dus mais e mez elegia il suveran grischun sia nova regenza. En la naiv da Lai han las Pendicularas grischunas envidà ad in podium da discussiun.

Mez matg elegia il suveran grischun sia nova regenza. En la naiv da Lai èn la candidata ed ils tschintg candidats per la regenza s'inscuntrads per ir communablamain cun skis, e suenter respunder dumondas en il rom d'in podium da discussiun. Tranter auter han er scolaras e scolars da Vaz dastgà far dumondas a Carmelia Maissen (AdC), Roman Hug (PPS), Martin Bühler (PLD), Marcus Caduff (AdC), Jon Domenic Parolini (AdC) e Peter Peyer (PS). Il di da skis cun podium è organisà da las Pendicularas grischunas e metta dumondas dal turissem en il center.

Cumpetenzas socialas e cumpetenzas dal fatg

A chaschun dal di da skis avain nus vulì savair, tge cumpetenzas ch'èn impurtantas per restar u far il pass en la regenza. Tenor il sextet èsi impurtant

  • da funcziunar en il collectiv,
  • chattar soluziuns communablas,
  • avair perseveranza e pel dira, dentant er calma
  • ed ina buna purziun curaschi per ir novas vias.
audio
Tge profil ch’i dovra han respundì la candidata ed ils candidats
ord Actualitad dals 02.03.2022.
laschar ir. Durada: 4 minutas 1 Secunda.

Ucraina, turissem e spazi da viver per indigens

Ils temas da discussiun èn stads vasts: Sper il tema actual da la guerra en l'Ucraina e sias consequenzas èn per exempel il turissem, il spazi da viver per indigens u er la protecziun d'ambient stads en il focus. Cunquai ch'il spectrum tematic è stà fitg vast, n'è la discussiun betg ida propi a profund.

audio
Ils candidats e la candidata per la regenza èn stads envidads oz ad in podium
ord Actualitad dals 02.03.2022.
laschar ir. Durada: 6 minutas 46 Secundas.

RTR actualitad 12:00

Artitgels legids il pli savens

Scrollar a sanestra Scrollar a dretga