Siglir tar il cuntegn

Header

cuntegn

Temp da spetga Obligatori da certificat chaschuna stausch tar vaccinar

Tgi che vul per il mument sa laschar vaccinar en in dals centers da vaccinaziun dal Grischun, sto per part avair pazienza. Il temp da spetga, per survegnir in termin variescha tranter in di e passa in mais. Sco la media chantunala Marina Jamnicki ha ditg, haja il Grischun bain avunda vaccins:

audio
Jamnicki: «Tut tenor lieu poi esser che nus vain a disposiziun pli pauc vaccin che annunzias»
00:13 min, RTR Audio dals 10.09.2021.
laschar ir. Durada: 00:13 minutas.

Dapi ch'il Cussegl federal haja ordinà l'obligatori dal certificat, sajan las annunzias puspè creschidas andetgamain. Ils centers ch'avevan reducì las capacitads, ston uss perquai puspè augmentar quellas. Plinavant saja ina sfida logistica da reparter ils vaccins, perquai ch'i dettia adina dapli pussaivladads da sa laschar vaccinar cun las acziuns da walk-in u er cun ils bus da vaccinar en las regiuns.

Chantun aveva spetgà augment

Sco RTR ha rapportà ier, aveva il chantun spetgà ch'i dettia dapli annunzias, damai ch'il certificat da corona è uss vegnì obligatoric ed il chantun ha anc ina giada schlargià pli ferm che la Confederaziun l'obligatori.

video
Grischun schlargia diever dal certificat
Or da Telesguard dals 09.09.2021.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga