Siglir tar il cuntegn
cuntegn

Mes Emprim Mais Gia in'emna passada

Super! Ti has gia davos tai 1/208avel da tes emprendissadi, sche quel dura quatter onns. Quai n’è anc betg uschè bler. Persuenter ès ti anc frestg ed avert per tips, tips, tips!

Legenda: Tadlar il audio Saira: Swiss Skills – Tips dal cussegliader Vendelin Cabernard. Durada 07:06 minutas.
07:06 min, Actualitad dals 08.08.2018.

Nus essan stads a la festa da diplom da la Scola professiunala industriala a Glion. Quella è stada avant intginas emnas. Circa 50 emprendistas ed emprendists han pudì prender encunter lur certificat da qualificaziun. Els ston savair il meglier tge ch'i vala da far durant ils trais u quatter onns d'emprendissadi. E bunamain mintgin che nus avain dumandà ha ditg il medem.

Adina star vidlonder, esser motivà en scola ed a la lavur e lura vegn quai bun!
Autur: Absolvents d'emprendissadi

Tuna bain simpel u? L’emprendissadi n'è però betg uschè simpel sco che quels fan tunar. I dovra blera persistenza, e mintgatant èsi er impurtant da morder sin ils dents e da dar tut malgrà ch'ins n'ha nagina motivaziun. Quai di era Vendelin Cabernard. El è manader dals cussegliaders da professiun, studi e carriera dal Grischun, e sa era tge far sche tut na gartegia betg tenor giavisch.

Nus avain era dumandà enturn en chasa RTR davart «do's and dont's», cura ch'ins cumenza ina nova plazza.

Legenda: Guardar il video Do's e dont's per il cumenzament da l'emprendissadi. Durada 01:23 minutas.
Or da RTR Social dals 08.08.2018.

RR actualitad 17:00