Svizra - Zurich surpiglia fatschenta dal concurrent
Il concern d’assicuranzas Zurich ha surpiglià la fatschenta Latinamericana da l'assicuranza australiana QBE. Il pretsch da cumpra munta a 409 milliuns dollars.
Per prest ina mesa milliarda dollars ha il concern d'assicuranzas Zurich Insurance surpiglià la fatschenta da ses concurrent australian QBE en a America Latina. Grazia a questa surpigliada daventia il concern d'assicuranza svizzer il numer in en l'Argentina ed il numer trais en l'Ecuador, declera l'interpresa.
La transacziun sto anc vegnir lubida da las autoritads. Enfin la fin dal 2018 duai ella dentant esser gartegiada. Finanziada vegn ella tenor atgnas indicaziuns cun agens meds.
Entradas QBE
Avrir la boxSerrar la box
Las entradas da premias da la fatschenta ch'il concern svizzer vul surpigliar han l’onn passà muntà a radund 790 milliuns dollars.
