Siglir tar il cuntegn
Inhalt

Svizra Zonas senza fim en las staziuns

En sis staziuns da tren fan las Viafiers federalas svizras in'emprova cun zonas, nua ch'igl è scumandà da fimar.

tschendrer ed avis da betg fimar a la staziun da Cuira
Legenda: La staziun da Cuira è ina da sis nua ch'ins na dastga per plirs mais betg fimar. RTR, Flavio Bundi

Las Viafiers federalas svizras vulan che lur staziuns vegnian pli schubras e segiras per ils passagiers. Perquai datti a partir dal favrer sis staziuns da test cun zonas, nua ch’igl è scumandà da fimar. Quai ha communitgà la SBB. Quests tests duain esser la basa per ina schliaziun unifitgada en staziuns da la SBB en l’entira Svizra.

Scumond a Cuira

Il scumond vala en l'edifizi da la staziun, en il plaun sutterran, en il sutpassadi, sin ils perruns e sin las colliaziuns dals perruns cun la staziun da posta.

Er Cuira è ina zona da test

Sper Basilea, Bellinzona, Neuschatel, Nyon e Turitg fa er la la staziun da Cuira part da la fasa d'emprova. Ils tests a Cuira han lieu en collavuraziun cun la Viafier retica e cun La Posta.

En pajais vischins sco la Germania, la Frantscha e l'Italia han ins gia introducì reglas pli severas davart il fimar en las staziuns. Las experientschas èn positivas.

RR novitads 14:00