Siglir tar il cuntegn
Inhalt

Svizra Zeccas èn pli agressivas

Quest onn èn dapli persunas idas tar il medi pervi da morsas da zeccas ch'en media dals ultims onns.

Zecca sin taila
Legenda: Zeccas pon infectar cun borreliosa u meningitis. Keystone

Sco che l'Uffizi federal da sanadad scriva han ils medis tractà bunamain 22'000 cas fin la fin da fanadur. Quai saja la cifra la pli auta dapi che la surveglianza è vegnida introducida l'onn 2008.

L'onn passà eran quai var 14'000. Era il dumber da las malsognas suenter morsas da zeccas è creschì. Fin la fin da fanadur èn vegnids registrads 8'400 cas da borreliosa acuta e 120 cas da meningitis.