Siglir tar il cuntegn
Inhalt

Svizra Zarli Carigiet reconquista Turitg

En in nova interpretaziun dal teater «Z’oberst ade Trittligass» survegn tranter auter la chanzun «Miis Dach isch dr Himmel vo Züri» da l’artist da Trun Zarli Carigiet in nov vestgì.

Legende: Video Versiuns - «Miis Dach isch dr Himmel vo Züri» abspielen. Laufzeit 02:00 Minuten.
Or da Actualitad video dals 30.08.2017.

Gia l’onn 1960 han artists turitgais fatg teater sisum la Trittligass amez la citad veglia. Quai per divertir la glieud durant la stad cura che l’opera ed il teater eran serrads.

Ed uss, varga in mez tschientaner pli tard, laschan acturs sco Walter Andreas Müller u Jürg Randegger reviver las balladas da Turitg en in toc da teater cun intermezzos musicals. Ina rolla en il toc gioga er la chanzun «Miis Dach isch dr Himmel vo Züri» da l’artist da Trun Zarli Carigiet. Il frar dal pictur Alois Carigiet.

Interpretaziuns frestgas

Uschia vegn chantada la chanzun da Zarli Carigiet en il toc dal pledader da la polizia da Turitg, da Marco Cortesi. L'oriund Samedrin Cortesi vegn giugà da l’actur Walter Andreas Müller.

Ina secunda interpretaziun da la chanzun è in zic pli datiers da l’original. Er qua vegn ella chantada d’in senza tetg. Exact sco da lezzas uras (1959) da Zarli Carigiet.

RR Chavazzin dal di 08:40