Tar la refurma da la taglia sin interpresas III che vegn en votaziun ils 12 da favrer saja il parlament ì fitg lunsch cun decider ulteriurs levgiaments per tschertas firmas.
«Quest pachet n’è betg pli il medem ch’il Cussegl federal aveva preschentà. I dat intgins puncts ch’han dischequilibrà la refurma», ha ditg Widmer-Schlumpf en in'intervista cun la gasetta «Blick».
Ella pensia qua ad ina taglia sin gudogn purifitgada, ed er vid il plan da betg auzar la taxaziun parziala da dividendas sin almain 70%. Quai pericliteschia la finanziaziun. Ed ina refurma stoppia pudair vegnir finanziada.
Eveline Widmer-Schlumpf aveva anc mess sin via la refurma durant ses temp sco ministra da finanzas. Sia partida, la PBD, ha decidì da sustegnair la refurma.
RR novitads 08:00