Siglir tar il cuntegn
cuntegn

Svizra Werner Salzmann vul daventar nov schef da fracziun da la PPS

La Partida populara dal chantun Berna ha nominà Werner Salzmann sco successur dad Adrian Amstutz. Salzmann è cusseglier naziunal da la PPS bernaisa ed ha 54 onns.

Il politicher da la PPS Werner Salzmann
Legenda: Werner Salzmann fa dapi dus onns part dal Cussegl naziunal. Keystone

Adrian Amstutz aveva annunzià mez october ch'el veglia sa retrair suenter esser stà 5 onns en uffizi. Il nov schef da fracziun elegia la PPS ils 17 da november. Fin ils 31 d’october han las partidas chantunalas gì peda d’annunziar candidats u candidatas.

Werner Salzmann saja bain qualifitgà per manar la pli gronda fracziun en la Chasa federala, scriva la PPS dal chantun Berna. Quai sco represchentant dal chantun Berna che haja ina funcziun da scharnier, e damai ch’el saja il president da la partida chantunala cun ils pli blers commembers.

RR novitads 12:00