Siglir tar il cuntegn

Header

cuntegn

Svizra WEKO piglia sut marella fusiun da NZZ ed AZ Medien

Las duas gruppas da medias AZ ed NZZ planiseschan da metter ensemen lur gasettas regiunalas.

La cumissiun da concurrenza CUMCO (Wettbewerbskommission WEKO) suppona che la nova firma pudess daventar memia ferma sin plirs martgads. Perquai vul la Weko far examinaziuns ils proxims quatter mais, sco previs en la lescha, scriva ella en ina communicaziun. En il focus stattan sur tut ils martgads per gasettas quotidianas en las regiuns Soloturn, Argovia e Basilea.

La AZ Medien e la gruppa da medias NZZ vulan fusiunar lur gasettas regiunalas sco era lur staziuns da radio e televisiun en ina interpresa. AZ Medien ed NZZ na vesan betg la fusiun sco problem mabain sco necessitad, han ellas communitgà.

La nova firma duai cumpigliar 20 gasettas en 13 chantuns, uschia era la Luzerner Zeitung ed il St. Galler Tagblatt.

RR novitads 09:00

Artitgels legids il pli savens