Siglir tar il cuntegn

Header

cuntegn

WEF Cussegl federal vul cuntinuar cun il sustegn enfin il 2021

La Confederaziun duai metter a disposiziun fin 5'000 schuldads e sa participar vi dals custs da segirtad dal WEF.

Era ils onns 2019, 2020 e 2021 duain mintgamai enfin 5'000 schuldads sustegnair il chantun Grischun tar la protecziun dal Forum mundial d'economia WEF. Il Cussegl federal ha tramess in messadi correspundent al Parlament federal. En emprima lingia duai l'armada sustegnair la Polizia chantunala dal Grischun. Quai per exempel tar la protecziun d'objects e persunas, tar la protecziun dal spazi d'aria e la logistica sco era tar il servetsch sanitar.

Cun excepziun da las mesiras per la protecziun dal spazi d'aria, haja tar tut tschellas mesiras ed incumbensas da l'armada, la Polizia chantunala il commando, scriva il Cussegl federal.

9 milliuns per segirtad

Ultra da quai duai la Confederaziun era ils proxims trais onns sa participar als custs da segirtad dal WEF. Quai ensemen cun il chantun Grischun, la vischnanca da Tavau e la fundaziun dal WEF. Il plafond d'expensas resti tar nov milliuns francs per onn ed ils custs vegnian repartids sco enfin qua, uschia il Cussegl federal.

Il Parlament a Berna sto anc approvar il conclus.

audio
Novitads: Cussegl federal sustegn vinavnat il WEF
ord Novitads dals 14.02.2018.
laschar ir. Durada: 44 Secundas.

RR novitads 12:00

Artitgels legids il pli savens