L'um ch'è s'infectà è stà en acziun en in curs da repetiziun a Wangen a. Aare a Berna. Il pazient saja isolà sin la staziun da malsauns da la plazza d'armas, ha ditg il pledader da l'armada Daniel Reist. Il schuldà saja entrà en servetsch il glindesdi (2 da mars) cun il battagliun da polizia 3. Tar l'examinaziun d'entrada haja l'um inditgà ch'el saja stà avant a Milaun. In emprim test entras il labor dad ABC da Spiez saja stà positiv. I manchia però anc la conferma dal labor da referenza a Genevra.
L'um saja perquai vegnì separà da ses camarats. Ses stadi saja stabil. Las trais persunas ch'eran cun el en la chombra èn en quarantina. Per ils ulteriurs schuldads ch'èn stads en contact cun l'infectà ha il medi da l'armada ordinà ina quarantina temporara sur notg.
RTR novitads 09:00
