Siglir tar il cuntegn

Header

cuntegn

Svizra Walter Thurnherr remplazza la rumantscha Corina Casanova

Il nov chancelier federal è Walter Thurnherr. L’um da 52 onns da la PCD vegn successur da la rumantscha Corina Casanova. Cun 230 da 234 vuschs vegn Thurnherr elegi sco nov Chancelier federal.

audio
Thurnherr vul promover las linguas
ord Novitads dals 09.12.2015.
laschar ir. Durada: 13 Secundas.

Walter Thurnherr è il nov chancelier federal. L’assamblea naziunal ha elegì oz l’um da 52 onns da la PCD sco successur da Corina Casanova - quai cleramain cun 230 da 234 vuschs valaivlas. Tge che vegn a sa midar cun el sco chancelier, n’ha el betg anc pudì concretisar. El veglia l’emprim guardar e pir lura decider. Promover ils linguatgs naziunals saja dentant era ina da sias finamiras. Dapi il 2011 è Walter Thurnherr anc secretari general dal departament federal per ambient, traffic, energia e communicaziun e surpiglia la nova incumbensa l’entschatta da l’onn.

Corina Casanova ha engrazià per tut

audio
Casanova engrazia a tuts
ord Novitads dals 09.12.2015.
laschar ir. Durada: 10 Secundas.

En ses pled da cumià ha sia antecessura Corina Casanova mirà enavos sin ses temps sco chanceliera federala ed ha la fin engrazia anc ina giada a tuts:

Ella saja s'engaschada fitg gugent per la Svizra, sias instituziuns, per la populaziun plurilingua e per il sistem politic svizzer er sche quest sistem saja vegnì crititgà bler l'ultim temp ed igl haja mancà per part l'enclegientscha per ils giavischs da las minoritads cura ch'i gieva per chattar ina maioritad.

Artitgels legids il pli savens