Siglir tar il cuntegn

Svizra VW sto retrair 22'000 autos

Pervi da problems cun il sistem antibloccant, ABS cloma VW enavos ils autos pertutgads. Il sistem na funcziunia betg senza mendas, di il pledader dad AMAG. Tar ina franada totala na saja tut tenor betg pussibel da tegnair l'auto a moda stabila. Pertutgadas sajan las marcas VW, Audi e Skoda.

Purtret d'ina marca da VW che penda vid ina planta.
Legenda: VW cloma enavos 22'000 autos en Svizra. Radund 385'000 autos èn pertutgads en Germania. Keystone

Pervi da problems cun il sistem antibloccant sto VW clamar enavos 22'000 autos en Svizra. Pertutgadas sajan las marcas VW, Audi e Skoda. Persunas pertutgadas vegnian infurmadas.

Motiv per il problem saja ina surchargiada mecanica en l'apparat che maina l'ABS ed il program da stabilisar, ESP. Uschia na saja tut tenor betg pussibel da controllar a moda stabila l'auto. Sur tut saja quai problematic en situaziuns extremas sco per exempel ina franada totala. En Germania sajan pertutgads en tut radund 385'000 autos.

RR novitads 21:00