Votaziuns - Manifestaziun – la cultura di «NA a No Billag»
Sin l'Alexanderplatz a Cuira ha gì lieu la sonda suentermezdi in’occurenza multiculturala dad adversaris da l’iniziativa No Billag. Er la cussegliera federala Simonetta Sommaruga ha avertì davart las consequenzas da l'iniziativa No Billag.
Legenda:
A las 10.00 ha la manifestaziun entschavì cun in public survesaivel.
RTR/ Angela Hendry
2 / 12
Legenda:
Il public vegn beneventà en trais linguatgs. Tudestg, rumantsch e talian, qua discurra la presidenta dals cineasts rumantschs ed inizianta da la manifestaziun Susanna Fanzun.
RTR/ Angela Hendry
3 / 12
Legenda:
Andy Kollegger, president da l'uniun chantunala da musica dal Grischun ed in dals organisaturs da la manifestaziun.
RTR/ Angela Hendry
4 / 12
Legenda:
In chantun per la glieud che less laschar ora il frust ch'els han cun il radio e la televisiun. Tenor il motto laschar ora il frust qua, e betg tar la votaziun.
RTR/ Angela Hendry
5 / 12
Legenda:
In dals punct culminants è stà il pled da la cussegliera federala Simonetta Sommaruga.
RTR/ Angela Hendry
6 / 12
Legenda:
La cussegliera federala Simonetta Sommaruga è anc stada a disposiziun per far selfies cun il public.
RTR/ Angela Hendry
7 / 12
Legenda:
In vast public ha gì interess vi da la manifestaziun, giuven e vegl, rumantschs, tudestgs, talians, persunas da la politica, da la cultura ed interessai.
RTR/ Angela Hendry
8 / 12
Legenda:
Mario Pacchioli è era stà da la partida.
RTR/ Angela Hendry
9 / 12
Legenda:
Era giasts d'ordaifer il chantun èn stads da la partida, sco per exempel il columnist e cabarettist bernais Bänz Friedli.
RTR/ Angela Hendry
10 / 12
Legenda:
Franco Milani, president da la Pro Grigioni Italiano.
RTR/ Angela Hendry
11 / 12
Legenda:
Luca Maurizio ha implorà il public cun chanzuns satiricas da vuschar NA ils 4 da mars.
RTR/ Angela Hendry
12 / 12
Legenda:
Anc suenter 7 uras cultura, suenter 21 acts e 21 pleds tegn il public la dira, malgrà tutta fradaglia.
RTR/ Angela Hendry
21 preschentaziuns da musica, da saut e da chant, 21 pledaders encunter l'iniziativa «No Billag». Set uras cultura encunter la fin da las emissiuns. Il public è stà grond, unfis da discutar da l'iniziativa n'è el betg. Il tema saja uschè impurtant e cun grondas consequenzas ch'i saja bun ch'i vegnia discutà savens da l'iniziativa.
audio
Bunura: È la populaziun unfisa dal tema "No Billag"?
03:54 min, ord Actualitad dals 05.02.2018.
laschar ir. Durada: 3 minutas 54 Secundas.
Simonetta Sommaruga ha fatg attent la sonda suentermezdi a Cuira sin las consequenzas da l'iniziativa No Billag. Quella saja in privel per la democrazia, ha ditg la ministra da giustia sin l'Alexanderplatz a la manifestaziun publica cunter l'iniziativa. Ella è stada l'oratura principala da la manifestaziun organisada da represchentants da la cultura grischuna.
No Billag na munta perquai betg mo No SRG. L’iniziativa è era in privel per nossa democrazia. No Billag munta dentant era No solidaritad. Solidaritad munta tar nus en Svizra, che nus essan qua per tut las regiuns e tut las gruppas linguisticas.
Tranter las numerusas producziuns culturalas han differents pledaders da la cultura, dal turissem e da la politica argumentà cunter l’iniziativa ed exprimì che quella saja ina attatga sin il servetsch public e cun quai er cunter la lavur culturala en Svizra.
Dovr jau betg, paj jau betg! Ok! Dentant pensai era vi da voss geniturs, vi da voss tat e vossa tatta!
