59% èn cunter d'abolir la taglia pauschala
Il resultat è uschia stà cler. Fitg cler è il resultat era en ils chantuns. Sulet il chantun Schaffusa ha ditg gea a l'iniziativa.
Cler na dal Grischun
Legenda:
Grafica grischuna da l'iniziativa «Basta taglias pauschalas».
RTR
Er ils votants dal Grischun han refusà cleramain tuttas trais iniziativas federalas. L’iniziativa “Basta taglias pauschalas” han ils Grischuns refusà cun 71% da las vuschs (44’296 na cunter 17’884 gea).
Ils iniziants da l'iniziativa "Basta taglias pauschalas" èn cuntents malgrà che l'iniziativa ha fatg naufragi. Ad els saja reussì da metter sin il parchet naziunal il tema giustia fiscala. Entras l'iniziativa haja quai dà ina discussiun vasta, uschia Markus Bischoff da la glista alternativa.