Siglir tar il cuntegn

Header

cuntegn

Votaziuns Ina ferma legitimaziun democratica per la SSR SRG

Il cler Na a l'iniziativa No Billag ha consolidà la legitimaziun dal service public, uschia il president dal cussegl d'administraziun da la SSR SRG, Jean-Michel Cina, tar in'orientaziun da las medias. Dentant saja ils 4 da mars in punct d'inversiun per la SSR SRG.

Curt e concis

  • pachet da spargn da 100 milliuns: la stad vegn preschentà in plan detaglià
  • focus sin mandat da basa: la mesadad da las entradas vegnan investidas en l'infurmaziun
  • dapli collavuraziun cun medias privatas

audio
No Billag: Co vinavant tar RTR?
ord Actualitad dals 04.03.2018.
laschar ir. Durada: 4 minutas 6 Secundas.

Spargnar 100 milliuns effizienza e reinvestiziuns

Tras in plan da rinforzar l'effizienza e da reinvestiziuns duain 100 milliuns francs vegnir spargnads a partir dal 2019. Quai pachet da spargn saja necessari perquai che las taxas vegnan reducidas sin 365 francs ad onn e las entradas da la SSR SRG èn danovamain plafonadas. La SSR SRG duai daventar pli effizienta tar l'administraziun, l'infrastructura e tar la tecnica. Quest plan da spargn pussibiliteschia da sbassar ils custs ed il medem mument metter trais prioritads:

  • L'incumbensa principala da la SSR SRG saja d'infurmar: la mesadad da las entradas duai vegnir duvrada per l'infurmaziun.
  • La SSR SRG vul raquintar la diversitad da la Svizra: Cunquai valia da s'engaschar per ina producziun da cultura indigena plain fassettas.
  • I valia da s'adattar als svilups socials. Perquai duai la purschida digitala vegnir meglierada.

Focus sin mandat da basa

Las unitads da la SSR SRG sa concentreschan en l'avegnir sin lur mandat da basa. Quai cun stritgar las reclamas durant films lungs. Quai per sa differenziar da televisiuns privatas. Er na duai betg pli dar purschidas en la rait senza video u audio sin las paginas d'infurmaziun da SRF, RTS e RSI.

Dapli collavuraziun cun medias privatas

La SSR SRG è da l'avis ch'i saja oz pli impurtant che mai da rinforzar la plazza da medias svizra envers la concurrenza internaziunala – e quai ensemen cun medias privatas. La SSR SRG desistia da reclama orientada vers gruppas determinadas, er sche quai fiss tenor il reglament pussaivel. Quai per betg concurrenzar cun medias regiunalas.

La collavuraziun cun medias privatas duai tranter auter vegnir meglierada cun metter a disposiziun material d'archiv. Chasas da medias privatas han la pussaivladad da surpigliar gratuit videos da novitads, quai tenor il model etablì da shared-content. Ultra da quai vegn la SSR SRG a prolungar il contract cun l'agentura da novitads SDA tar las cundiziuns existentas. Quai per sustegnair la SDA en sia greva fasa da transfurmaziun.

Dumengia da votaziuns

Artitgels legids il pli savens