Siglir tar il cuntegn

Header

cuntegn

Votaziuns Chantuns alpins refusan l'iniziativa «Pro Service Public»

La Conferenza da las regenzas dals chantuns alpins CRCA avertescha d'in gea a l'iniziativa «Pro Service Public». Il titel da quella mainia en errur, uschia fa a savair la conferenza.

Enstagl da rinforzar il servetsch public maini questa iniziativa ad ina reducziun dal provediment fundamental da posta, viafier e telecommunicaziun. Per ils chantuns da muntogna fiss quai fatal. Be cun in provediment da basa fidà saja la qualitad da viver ed la capacitad da concurrencar ecomomicamain garantida.

Tar il model existent gidian las citads da finanziar il provediment fundamental da las regiuns perifericas. Quest modell da finanziaziun vul l'iniziativa «Pro Service Public» stritgar. Quai muntass dischavantatgs per tschertas regiuns, scriva la conferenza.

La Conferenza da las regenzas dals chantuns alpins refusescha plinavant l'iniziativa perquai ch'ella scumandass er a las interpresas dal servetsch public da far gudogn. Tenor la CRCA muntass er quai ina reducziun da la purschida.

Il suveran svizzer votescha ils 5 da zercladur da la fatschenta.

RR novitads 12:00

Artitgels legids il pli savens