Siglir tar il cuntegn

Header

audio
Lescha da CO2: Anna Giacometti s'engascha per la lescha
Or da Actualitad dals 11.05.2021.
laschar ir. Durada: 2 minutas 29 Secundas.
cuntegn

Anna Giacometti «La bova da Bondo ha mussà l’impurtanza dal clima»

La cussegliera naziunala ed anteriura presidenta communala da Bregaglia, Anna Giacometti, s'engascha activamain per in Gea a la revisiun da la lescha da CO2. Sia partida, la Partida liberaldemocratica è lura er stada l'emprima partida en Svizra ch'ha decis da sustegnair la revisiun da la lescha da CO2.

Catastrofa da Bondo ha influenzà

La finamira dad Anna Giacometti èsi da sensibilisar la populaziun cun far attent a las grondas difficultads, ils custs e las consequenzas che quai vegn a dar, sche la Svizra na s'engascha betg pli ferm per il tema clima. Sco exempel serva la bova da Bondo. Quella mussa directamain las consequenzas da la midada dal clima sin il viver en muntogna.

Ultra da quai haja la Svizra er decis da respectar la Cunvegna da Paris davart il clima cun finamiras concretas fin il 2030. Senza in engaschament activ da differentas varts, na vegnia quai betg ad esser pussaivel da cuntanscher quellas, argumentescha Anna Giacometti. E sco cussegliera naziunala che represchenta ina val ferm pertutgada da la midada dal clima vul ella s'engaschar, per ch'ina vita en muntogna saja er en avegnir pussaivla.

RTR actualitad 11:00

Artitgels legids il pli savens