Siglir tar il cuntegn

Header

Navigaziun

La partida populara dal Grischun durant sia radunanza da delegads
Legenda: La partida populara dal Grischun durant sia radunanza da delegads mad
cuntegn

Votaziuns 2 x GEA e 3 x NA di la pps dal Grischun

GEA a las iniziativas dal pievel «per ina finanziaziun gista dal traffic» e «a favur dal servetsch public»

La partida populara dal Grischun ha decidì sias parolas a chaschun da la radunanza da delegads questa fin d'emna a Mustér.
NA din ils delegads da la PPS grischuna a la «Midada da la lescha d'asil», a la «Midada da la lescha federala davart la reproducziun cun assistenza medicinala» ed a l'iniziativa dal pievel «Per in'entrada da basa nuncundiziunada».

Tut ils projects van en votaziun ils 5 da zercladur.

Glisch verda per Beat Nay da turnar en la partida

Ultra da las parolas han ils delegads era decidì davart intginas midadas dals statuts. Tranter auter èsi da nov pussaivel da daventar directamain commember da la partida chantunala. I n'è pia betg pli necessari da far part ad ina partida regiunala. Uschia po Beat Nay ch'era sortì da la PPS da Cuira il favrer, sco giavischà, puspè turnar en la partida.

Sch'insatgi vegn accepà sco commember direct da la partida chantunala u betg, quai decida lura la direcziun. Tar quella tutgan 20 persunas, tranter auter er tut ils presidents da las partidas regiunalas.

RR novitads 18:00