Siglir tar il cuntegn

Header

audio
Votaziuns: Berna cunter iniziativa cunter allevament intensiv
Or da Actualitad dals 28.06.2022.
laschar ir. Durada: 3 minutas 35 Secundas.
cuntegn

Votaziuns Berset avertescha d'iniziativa cunter allevament da massa

Ils 25 da settember ha il pievel svizzer era da votar davart l'iniziativa cunter l'allevament da massa. L'iniziativa pretenda che la dignitad da l'animal en l'allevament vegnia integrà en la constituziun federala. La Confederaziun duai suenter fixar criteris per l'allevament e la tgira – e quai cun s'orientar vid standards da la producziun da bio. E tar l'import duai esser lubì mo pli animals u products d'animals ch'èn tegnids tenor standards da bio.

La lescha vertenta è restrictiva e tanscha

Il Cussegl federal avertescha da l'iniziativa e propona da la refusar. La Svizra haja gia ussa ina da las leschas las pli restrictivas sin il mund puncto protecziun dad animals, ha ditg il cusseglier federal Alain Berset avant las medias. La Svizra haja fatg gronds progress ils ultims 25 onns, uschia che pliras modas da tegnair ils animals sajan gia scumandadas. Era tar sancziuns en cas da cuntrafar a la lescha vertenta saja tut pussaivel, enfin tar scumandar da tegnair animals.

Sch'i avessia da dar basegns da midar la pratica, lura midian ins la lescha. Actualmain reglescha lezza il spazi minimal per in animal, il pavlar e tegnair l'animal u era las relaziuns da glisch che ston esser dadas.

Reducir l'import sin standards da bio avessia consequenzas negativas

Era la pretensiun da reducir l'import da charn u products cun charn sin ils standards da bio pudessia laschar crescher ils pretschs, ha ditg Berset. Da l'autra vart influenzassia quai era il sortiment ch'ins pudessia porscher, uschia che tscherts products pudessian svanir dals regals. Sper quai muntassia ina tala pratica era gronda lavur da controlla e cuntrafaschessian a cunvegnas da commerzi cun auters stadis – tranter auter cun la Uniun europeica.

Era per l'agricultura vesa il Cussegl federal grondas consequenzas. Radund 3'300 manaschis purils en Svizra stuessian ubain reducir il dumber d'animals, ubain engrondir la surfatscha dal manaschi – quai che muntia era puspè custs supplementars.

RTR novitads

Artitgels legids il pli savens

Scrollar a sanestra Scrollar a dretga