Votaziun davart sortida d'energia atomara anc quest onn

Sco quai ch'il Cussegl federal communitgescha, va l'iniziativa dal pievel «Per ina sortida reglada da l'energia atomara» en votaziun ils 27 da november.

Ils 19 da zercladur 2016 èsi a Beznau vegnì demonstrà per la serrada immediata da l'ovra atomara.

Legenda da maletgs: Ils 19 da zercladur 2016 èsi a Beznau vegnì demonstrà per la serrada immediata da l'ovra atomara. Keystone

L'iniziativa dals verds pretenda che tut las ovras atomaras vegnian serradas il pli tard suenter ch'ellas èn stadas en funcziun 45 onns.

Plinavant pretenda l’iniziativa ina midada sin il sectur da l’energia che sa basa sin respargn, effizienza energetica e schlargiament d’energias regenerablas.

RR novitads 12:00