Siglir tar il cuntegn
Inhalt

Svizra Volg furnescha a chasa

Il detaglist Volg vul a partir dals 2 da matg furnir tut las cumpras cun la posta a chasa. Quai en las regiuns da la Svizra tudestga nua ch’il Volg è gia preschents cun ina stizun.

Charrets da cumpras.
Legenda: En il futur na dovran ins betg il charret da cumpras. Keystone

Gia il 2014 ha il detaglist testà la purschida e decis suenter buns resultats da lantschar la plattafurma da cumpra online. La purschida vegn ad esser pli restrenschida che quella en las stizuns. Ils products custan dentant tuttina bler. Era po sulet la empustaziun vegnir fatg da chasa anora e la rauba empustada po vegnir retratga en stizun.

Empustar sur 100 francs spargna taxa da furniziun

La purschida dal Volg vegn fatga en collavuraziun cun la Posta Svizra e tgi ch’emposta sur 100 francs po alura spargnar la taxa da posta, sut 100 francs custa la furniziun 10 francs. La finamira da questa purschida è d’evitar la perdita da clients ed ina tala purschida è ozendi nunevitabla per l’interpresa, ha ditg Ferdinand Hirsig schef da Volg.

RR novitads 15:00