La gruppa Volg è danovamain creschida l'onn passà ed ha fatg ina svieuta da 1,5 milliardas francs, in plus da passa 4%. Sulet las stizuns da Volg han fatg ina svieuta da 1,1 milliardas francs.
Era creschida è la svieuta dals shops da tancadi Agrola, quella munta a 230 milliuns francs. Sco quai che Volg communitgescha ha l'interpresa pudì augmentar il dumber da stizuns sin passa 1'000. Plinavant testescha Volg en 27 vischnancas da la Svizra tudestga era in servetsch da furniziun a chasa.